Transcription
1
Mon seigneur, vous povres subjectz de la
2
Terrasse sont grandement pressés de payer
3
La cocte en laquelle ilz ont esté cotisés
4
pour le magasin de Grenoble et entretenement
5
des gens de guerre pour huict feuz et tiert,
6
montant froment soixante six sestiers deux
7
cartaulx trois cars daultres, avoyne soixante six
8
cestiers deulx cartaulx trois cars daultre,
9vin vingt cinq charges, foin [barré : cinq ] cent quintaulx,
10
cher moytié beuz et moytié mouton treze
11
quintaulx trois cars et tiert daultre, que seront
12
à vousditz povres subjectz, chose impossible,
13
daultant que la prise a esté sy terrible
14
que la plus part crient à la faim et nont
15
moien soy nourrir, ny leur famillie ; vous
16
asseurant quil est grand pitié et sy leur
17
convient paier telles sommes, elle y sera encores
18
plus grande. Toutesfois, ilz espèrent que par
19
votre bonté et benenité, vous leur ferés ceste
20
aulmosne, de quoy ilz vous requièrent très
21
humblement que de les faire descharger de
22
[255 v°] paier telles et sy grandes sommes, du moingz
23
sil nest en tout, ce sera en partie, à celle fin
24
que vousdictz povres subjectz ne soient sy
25
fort chargés et follés ; et par mesme que
26sy leur venoict à fournyr telles sommes, [barré : ne
27
f] ilz ne souroient aulcunement où les prendre
28
ny trover, ne de quoy les payer ; par quoy,
29
monseigneur, oultre les biens quilz ont par cy devant
30
tant receu de vous en cestres [ancêtres], il vous
31
plairra leur en faire descharger, et tout
32
ainsy quil vous plairra comander, ilz feront
33
et ensuyvront vous comandemens comme vous
34
povres et loiaulx subjectz. Ce faisant, ilz
35
vous seront tout jour de plus en plus tenus
36
et obeissans, ilz prieront Dieu pour vous
37
prosperitez et saincté, quil vous aye en sa
38
saincte et si digne garde. De La Terrasse, ce
39
dix septiesme febvrier mil cinq centz
40
septante quatre.
41
Le dix huictiesme febvrier, je, consul,
42suis venu à Grenoble [barré : pour ] et là,
43
le sire Enymond Perroct exacteur desdites
44
coctes, ma faict constitué prisonnier jusques
45
à payement dicelles ; et ne sera sans grans
46
fraictz et despens à vousdits povres subjectz, et
47
contrainct y demeurer, atendant votre bon plaisir que
48
jen suyvrey.
49
Par commandemant de
50
vous dictz pouvres subiectz
51
Charpin conseul
52
dudit lieu